Daha bir sığorta şirkəti “Yaşıl Kart”a qoşulub

İcbari Sığorta Bürosu (İSB) "Naxçıvan Sığorta" ASC-yə "Yaşıl Kart" sistemi çərçivəsində fəaliyyət göstərmək hüququ verib.

Bu barədə Fins.az-a İSB-dən bildirilib.

Məlumata görə, bununla da "Yaşıl Kart"a qoşulmuş sığorta şirkətlərinin sayı 13-ə çatıb. Digər 12 sığortaçı Dövlət Sığorta Kommersiya Şirkəti ("Azərsığorta"), eləcə də "Atasığorta", "Atəşgah Sığorta", "Azərbaycan Sənaye Sığorta", "Azsığorta", "Bakı Sığorta", "İpek Yolu Sığorta", "Günay Sığorta", "Meqa Sığorta", "Qala Sığorta", "PAŞA Sığorta" və "Xalq Sığorta" ASC-lərdir.