Qeyri-neft sektorundan rekord artım – üç ayda 771,9 milyon dollar gəlir

Finss.az - İqtisadi İslahatların Təhlili və Kommunikasiya Mərkəzi (İİTKM) “İxrac icmalı”nın 2025-ci ilin aprel sayını təqdim edib.

Mərkəzin yaydığı məlumatlara əsasən, cari ilin ilk üç ayında Azərbaycanın qeyri-neft sektoru üzrə ixracı ötən ilin eyni dövrü ilə müqayisədə 14,7% artaraq 771,9 milyon ABŞ dollarına çatıb.

İcmalda qeyd olunur ki, yanvar-mart aylarında yeyinti məhsullarının ixracında da nəzərəçarpacaq artım qeydə alınıb. Belə ki, bu kateqoriya üzrə ixrac həcmi 15,1% yüksələrək 224,7 milyon ABŞ dolları təşkil edib.