İki ayda dövlət büdcəsinin gəlirləri 3,6 milyard manat, xərcləri isə 3,3 milyard manat olub

Maliyyə Nazirliyinin təqdim etdiyi operativ məlumatlara əsasən, bu ilin yanvar-fevral aylarında dövlət büdcəsinin gəlirləri 3 milyard 613,2 milyon manat, xərcləri isə 3 milyard 330,2 milyon manat təşkil edib.

Dövlət Statistika Komitəsindən bildirilib ki, büdcənin icrasında 283 milyon manatlıq və ya ümumi daxili məhsulun 2,2 faizi qədər profisit yaranıb.