Türkiyə qaz sahəsində Azərbaycanla əməkdaşlığa dair sənədi təsdiq edib

Türkiyə ilə Azərbaycan arasında qaz sahəsində əməkdaşlığa dair hökumətlərarası Sazişin təsdiq edilməsi haqqında Qanun martın 5-də, çərşənbə günü qüvvəyə minib.

Finss.az xəbər verir ki, sənədin mətni bu gün Türkiyə hökumətinin rəsmi qəzetində - “Resmi Gazete”də dərc olunub.

Türkiyə ilə Azərbaycan arasında enerji sahəsində əməkdaşlığın dərinləşdirilməsi məqsədi ilə iki qardaş ölkə arasında qaz sahəsində əməkdaşlığa dair hökumətlərarası Saziş 2024-cü il mayın 14-də İstanbulda imzalanıb.

Bu sənəd, həmçinin Bakı ilə Ankara arasında enerji sektorunda birgə investisiyalar üzrə əməkdaşlığı nəzərdə tutur.

©AZƏRTAC