Təbiətin gücü ilə qurulan biznes-MÜSAHİBƏ 

Fins.az Türkiyənin qida əlavələri istehsalçısı olan “Alyalina” Azərbaycan şirkətinin direktoru Nigar Ələkbərova ilə həmsöhbət olub. Şirkət bazarda təbii tərkibli məhsulları ilə seçilir və müxtəlif yaş qrupları üçün qida əlavələri istehsal edir.

– Şirkətiniz haqqında qısa məlumat verərdiniz. Alyalina necə yarandı?

– Alyalina 2020-ci ildə təbiətin müalicəvi gücünü insanlara çatdırmaq missiyası ilə yaradılıb. Brendimizin adı “Alya” (yüksəklik, zadəganlıq) və “Lina” (təbiilik, zəriflik) sözlərinin birləşməsindən yaranıb. Bu ad vizyonumuzu – yüksək keyfiyyət və təbiiliyi bir araya gətirməyi – tam şəkildə əks etdirir.

– Məhsullarınızın əsas fərqi nədir?

– Məhsullarımız qara zirə (çörək otu), ölməz otu və çobanyastığı kimi güclü bitkilər əsasında hazırlanır. Əsas fərqimiz analoqu olmayan tərkib və keyfiyyətə verdiyimiz önəmdir. Biz yalnız kosmetik təsir deyil, eyni zamanda sağlam həyat tərzini dəstəkləyən məhsullar təqdim edirik.

– Qara zirə məhsullarınızın əsas üstünlüyü nədir?

– Qara zirə immunitet sistemini gücləndirməsi və antioksidant təsiri ilə tanınır. Elmi araşdırmalarda onun qan şəkərinin tənzimlənməsi, iltihabəleyhinə təsiri və ümumi sağlamlığa müsbət təsiri qeyd olunub. Biz bu bitkinin potensialını həm dermokosmetik, həm də qida əlavələri formasında təqdim edirik.

– Məhsullarınız elmi araşdırmalara əsaslanırmı?

– Bəli. Müxtəlif beynəlxalq elmi jurnallarda çörək otu ilə bağlı araşdırmalar dərc olunub. Tədqiqatlarda metabolik pozuntular, yüksək təzyiq, allergik problemlər və neyroprotektiv təsirlərlə bağlı müsbət nəticələr qeyd edilir. Biz məhsul inkişafında bu elmi məlumatları əsas istiqamət kimi götürürük.

(Qeyd: Məhsullar dərman deyil və tibbi müalicəni əvəz etmir.)

– 2023–2024-cü illər brend üçün nə ilə yadda qaldı?

– 2023-cü ildə məhsul çeşidimizi genişləndirərək ölməz otu və çobanyastığı tərkibli yeni məhsullar təqdim etdik. 19 sentyabr 2023-cü ildə Ofisdənkənar (Birbaşa) Satış Sertifikatı aldıq və 2024-cü ildən etibarən birbaşa satış modelini rəsmi şəkildə tətbiq etməyə başladıq.

– Hansı ölkələrə ixrac edirsiniz?

– Hazırda Azərbaycanla yanaşı Qazaxıstan, Qırğızıstan, Tacikistan, Rusiya və Özbəkistan bazarlarında fəaliyyət göstəririk. Məqsədimiz beynəlxalq səviyyədə etibarlı və lider birbaşa satış brendi olmaqdır.

– Birbaşa satış modelini niyə seçdiniz?

– Çünki bu model insanlara sadəcə məhsul deyil, biznes imkanı təqdim edir. İnsanlar sağlamlığı paylaşaraq gəlir əldə edə, komanda qura və şəxsi inkişaf edə bilirlər. Bu, xüsusilə qadın sahibkarlığının inkişafı üçün böyük fürsətdir.

– PR və marketinq strategiyanız necə qurulub?

– PR və marketinq strategiyamız əsasən sosial şəbəkələr üzərindən qurulub və burada aktiv, davamlı kommunikasiya aparırıq. Hədəf auditoriya ilə birbaşa əlaqə yaratmaq, onların ehtiyaclarını anlamaq və geri dönüşləri dərhal qiymətləndirmək bizim üçün əsas prioritetlərdəndir. Bununla yanaşı, brendimizi yalnız məhsul və ya xidmət üzərindən deyil, həm də sosial məsuliyyət və sağlam həyat tərzi fəlsəfəsi üzərindən mövqeləndiririk ki, bu da uzunmüddətli etimadın formalaşmasına xidmət edir.

Eyni zamanda, Qadın Sahibkarlığı Assosiasiyasının dəstəyi bizim fəaliyyətimizdə xüsusi rol oynayır. Bu cür təşkilatlar qadın bizneslərinin inkişafı üçün çox vacib platforma rolunu oynayır. Onlar sahibkarlara yalnız informasiya və maarifləndirmə baxımından deyil, həm də praktiki imkanlar baxımından dəstək verirlər. Xüsusilə, yeni başlayan və ya inkişaf mərhələsində olan qadın sahibkarlar üçün bu cür dəstək mexanizmləri olduqca əhəmiyyətlidir.

Assosiasiya çərçivəsində qurulan şəbəkələşmə (networking) imkanları isə bizneslərin böyüməsində mühüm rol oynayır. Sahibkarlar burada bir-biri ilə təcrübə mübadiləsi aparır, yeni əməkdaşlıqlar qurur, tərəfdaşlıqlar yaradır və bazara çıxış imkanlarını genişləndirirlər. Bu şəbəkələşmə həm yerli, həm də beynəlxalq səviyyədə əlaqələrin qurulmasına şərait yaradır.

Bundan əlavə, bu cür platformalar müxtəlif təlimlər, seminarlar və mentorluq proqramları vasitəsilə qadın sahibkarların bilik və bacarıqlarının artırılmasına kömək edir. Nəticə etibarilə, həm fərdi bizneslərin inkişafı sürətlənir, həm də ümumilikdə qadın sahibkarlığının iqtisadiyyatda rolu daha da güclənir.

– Missiyanız və uzunmüddətli hədəfiniz nədir?

– Missiyamız təbiətin təqdim etdiyi ən saf bitki mənşəli məhsullarla insanların sağlamlığını və həyat keyfiyyətini artırmaqdır. Uzunmüddətli hədəfimiz isə ekoloji cəhətdən dayanıqlı istehsal metodları ilə sektorda nümunə göstərilən, beynəlxalq səviyyədə tanınan lider marka olmaqdır.

-Hədəf kütləniz kimdir?

Əslində, biz geniş auditoriyaya xidmət göstəririk. Məhsullarımız uşaqdan böyüyə qədər müxtəlif yaş kateqoriyalarına uyğundur. Bununla belə, əsas müştəri seqmentimizi daha çox qadınlar və uşaqlar təşkil edir.

Satış nəticələrimizdən razıyıq. Qida əlavələri bazarda bəzi insanlar üçün hələ də yenilik kimi qəbul olunur və hər kəs bu məhsullara tam alışmayıb. Lakin məhsullarımızın tərkibi və keyfiyyəti müştərilərdə etibar yaradır.

Məsələn, qəhvə məhsulumuzun tərkibində çörək otu (qara zirə) mövcuddur ki, bu da onu fərqləndirən əsas xüsusiyyətlərdəndir. Uşaqlar üçün nəzərdə tutulmuş “Macumel” məhsulumuz isə müxtəlif bitkilərin qarışığından hazırlanıb və təsir gücü daha yüksəkdir.

Bu günə qədər məhsullarımızdan narazı qalan müştərimiz olmayıb. Əksinə, çoxsaylı müsbət rəylər və geri dönüşlər alırıq ki, bu da bizim üçün ən böyük motivasiyadır.

-Satışlarınızdan razısınızmı?

Bəli, ümumilikdə satışlarımızdan razıyıq. Qida əlavələri bazarı bəzi insanlar üçün hələ də yeni və tam qəbul olunmamış sahədir. Buna baxmayaraq, məhsullarımızın keyfiyyəti və tərkibi müştərilər tərəfindən müsbət qarşılanır.

– Sonda oxuculara nə demək istərdiniz?

– Bu sadəcə məhsul deyil. Bu, sağlam həyat tərzi, azad gəlir imkanı və güclü komanda deməkdir. Biz təbiətin gücünü həyata gətiririk və hər kəsi bu dəyərin bir parçası olmağa dəvət edirik.

Aynur Bayramova

Fins.az