Azərbaycanda elektrik enerjisi istehsalı 3,8% artıb

Cari ilin yanvar-fevral ayları ərzində Azərbaycanda elektrik enerjisinin istehsalı 4,86 milyard kilovatt-saat (kVt·st) olub.

Finss.az xəbər verir ki, bu barədə Energetika Nazirliyi məlumat yayıb.

Məlumata görə, bu göstərici ötən ilin eyni dövrü ilə müqayisədə 3,8% və ya 178 milyon kVt·st çoxdur.

Belə ki, ötən ilin yanvar-fevral ayları ərzində Azərbaycanda elektrik enerjisinin istehsalı 4,68 milyard kVt·st təşkil edib.

Qeyd edək ki, bu müddət ərzində İES-lərdə 4,35 milyard kVt·st, SES-lərdə 4,11 milyard kVt·st, digər mənbələr üzrə isə 98,8 milyon kVt·st, o cümlədən külək elektrik stansiyalarında 5,8 milyon kVt·st, günəş elektrik stansiyalarında 54,9 milyon kVt·st, Bərk Məişət Tullantılarının Yandırılması Zavodunda isə 38,1 milyon kVt·st elektrik enerjisi istehsal edilib.