Azərbaycanda kənd təsərrüfatının kreditləşməsi - 14% ARTIB

Bu ilin mart ayının 1-nə Azərbaycanda kənd təsərrüfatı və emal sektoruna kredit qoyuluşunun həcmi ötən ilin eyni vaxtı ilə müqayisədə 65,8 mln. manat və ya 14% artaraq 534,3 mln. manata çatıb.

Fins.az xəbər verir ki, Azərbaycan Mərkəzi Bankından verilən məlumata görə, kənd təsərrüfatı və emal sektoruna kredit qoyuluşu aylıq müqayisədə 6 mln. manat və ya 1,1% azalıb.

Sözügedən sektorunun kreditləşməsinin real sektora kredit qoyuluşunda xüsusi çəkisi isə 3,4% təşkil edib. İllik müqayisədə bu göstərici 0,2 faiz bəndi, aylıq müqayisədə isə 0,1% bəndi azalıb.