Yaxın Şərqin suveren fondları SpaceX səhmlərinə milyardlarla dollar yatırmağa hazırlaşır

Fins.az - Fars körfəzi ölkələrinin suveren investisiya fondları aerokosmik şirkət SpaceX-in ilkin kütləvi səhm təklifi çərçivəsində milyardlarla dollar dəyərində səhm almağa maraq göstəriblər.

Məlumata görə, Səudiyyə Ərəbistanının İctimai İnvestisiya Fondu və Küveyt İnvestisiya Təşkilatı 1 milyard ABŞ dollarından 5 milyard ABŞ dollarınadək həcmdə səhm almaq üçün sifariş yerləşdiriblər.

Bildirilib ki, Qətər İnvestisiya Təşkilatının da SpaceX-in səhmlərinin alınması üçün iri həcmli sifariş verməsi ehtimal olunur.

Mütəxəssislərin fikrincə, bu maraq şirkətin kosmik texnologiyalar sahəsindəki mövqeyi və gələcək inkişaf perspektivləri ilə bağlıdır.