Uqandada Ebola virusuna yoluxanların sayı beşə çatıb

Fins.az - Uqandada Ebola virusuna daha üç yoluxma halı qeydə alınıb. Bununla da ölkədə təsdiqlənmiş yoluxma hallarının sayı beşə yüksəlib.

Bu barədə Uqanda Səhiyyə Nazirliyi sosial şəbəkə hesabında məlumat yayıb.

Bildirilib ki, yeni yoluxanlardan ikisi ilk xəstə ilə təmasda olan şəxslərdir. Onlardan biri sürücü, digəri isə tibb işçisidir. Daha bir yoluxma halı isə Uqandada olan Konqo Demokratik Respublikası vətəndaşında aşkarlanıb.