Tramp: Koronavirusun süni şərtlər əsasında yaranmasına dair dəlilimiz var

ABŞ Prezidenti Donald Tramp koronavirusun Çinin Uhan şəhərində yerləşən laboratoriyalardan birindən çıxdığına dair məlumat əldə etdiyini bildirib.

“RİA Novosti” xəbər verir ki, dövlət başçısı jurnalistlərlə görüşdə buna əmin olduğunu vurğulayıb.

D.Tramp əldə etdiyi məlumatı açıqlamaqdan imtina edib.

“Mən bu məlumatı verə bilmərəm. Buna icazəm yoxdur”, - deyə ABŞ prezidenti qeyd edib.