Tramp insidentlə bağlı Ağ Evdə mətbuat konfransı keçirəcək

Fins.az - ABŞ Prezidenti Donald Tramp Vaşinqtonda baş verən insidentlə bağlı mətbuat konfransı keçirəcəyini açıqlayıb.

O, “Truth Social” platformasında paylaşım edərək bildirib ki, hüquq-mühafizə orqanları protokola uyğun olaraq tədbirin keçirildiyi binanın boşaldılmasını tələb edib və bu tələb dərhal yerinə yetirilib.

Məlumata görə, insident Ağ Ev Müxbirləri Assosiasiyasının Vaşinqtondakı Hilton Otelində təşkil etdiyi şam yeməyi zamanı baş verib.

Tramp qeyd edib ki, 30 dəqiqə sonra Ağ Evin brifinq otağında mətbuat konfransı keçiriləcək. O, həmçinin birinci xanımın, vitse-prezidentin və Nazirlər Kabineti üzvlərinin vəziyyətinin yaxşı olduğunu bildirib.

Tədbirin daha sonra 30 gün ərzində yenidən planlaşdırılacağı qeyd olunub.