“Taxıl məsələsi” ilə bağlı görüşdə razılıq əldə olundu

İstanbulda Türkiyə, Rusiya, Ukrayna və BMT arasında taxıl böhranı mövzusunda danışıqlar zamanı taxıl ixracı üçün İstanbulda koordinasiya mərkəzinin yaradılması barədə razılıq əldə olunub.

“Fins.az” xəbər verir ki, bu barədə Türkiyə Müdafiə Nazirliyi məlumat yayıb.

Bildirilib ki, Rusiya, Ukrayna və BMT nümayəndə heyətləri gələn həftə yenidən Türkiyədə görüşəcək.

Həmçinin növbəti həftə “taxıl dəhlizi” ilə bağlı sənədin imzalanması da gözlənilir.