Serbiya Prezidenti istefa verə biləcəyini bildirib

Fins.az - Aleksandar Vučić səlahiyyət müddətinin sonuna yaxın istefa verə biləcəyini açıqlayıb.

O, bu barədə Çinə səfəri zamanı danışıb.

Vuçiç ilk dəfə 2017-ci ildə Serbiya Prezidenti seçilib, 2022-ci ildə isə yenidən prezident olub. Onun hazırkı səlahiyyət müddəti 2027-ci ildə başa çatır.

Bundan əvvəl Vuçiç ölkədə parlament seçkilərinin payızda — sentyabrın sonu ilə noyabrın ortaları arasında keçiriləcəyini bildirmişdi.

Serbiya Milli Assambleyasının sədri Ana Brnabić isə hakim Serbiya Tərəqqipərvər Partiyasının qarşıdakı parlament seçkilərində Vuçiçi baş nazir vəzifəsinə namizəd göstərməyi planlaşdırdığını deyib.