Sankt-Peterburq–İstanbul reysi Buxarestdə məcburi eniş edib
Fins.az - “Pegasus” aviaşirkətinə məxsus Sankt-Peterburq–İstanbul marşrutu üzrə uçan təyyarə fövqəladə vəziyyət səbəbindən Buxarestdə məcburi eniş edib.
Məlumata görə, “Airbus A321” təyyarəsi Pulkovo hava limanından havaya qalxdıqdan təxminən 2,5 saat sonra sərnişinlərdən birinin səhhətinin qəfil pisləşməsi səbəbindən qəza siqnalı verib.
Təyyarə Rumıniya paytaxtına endikdən sonra həkimlər dərhal göyərtəyə qalxaraq sərnişinə tibbi yardım göstəriblər və onun hospitalizasiyası məsələsi qiymətləndirilib. Səhhətindəki problemin səbəbləri araşdırılır.
Qeyd edək ki, 2022-ci ildən Avropa İttifaqının məhdudiyyətləri səbəbindən Rusiya ilə Rumıniya arasında birbaşa hava əlaqəsi mövcud deyil. Lakin fövqəladə hallarda təyyarələrin ölkə ərazisinə enişinə icazə verilir.
