Samsung Galaxy A33 5G və A53 5G smartfonları təqdim edilib - QİYMƏTİ

Samsung şirkəti Galaxy A seriyasının 2 yeni smartfon modelini təqdim edib.

"Fins.az" xəbər verir ki, söhbət, Galaxy A33 5G və Galaxy A53 5G smartfonlarından gedir. Sözügedən smartfonlar xarici görünüşcə bir-birilərinə bənzəsələr də texniki göstəricilər baxımından fərqlənirlər. Galaxy A33 5G modeli 90 Hz-lik təsvir yenilənməsinə sahib Full HD+ keyfiyyətli 6.4 düym Super AMOLED ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş damcı formalı çıxıntı yerləşdirilib. Bununla yanaşı ekran Gorilla Glass 5 qoruyucu şüşəsi ilə əhatə edilib və barmaq izi skanı texnologiyası da birbaşa ekrana inteqrasiya edilib.