SAIC İspaniyada elektromobil zavodu tikməyi planlaşdırır

Fins.az - Çinin SAIC Motor konserninə məxsus MG markası İspaniyada yeni elektromobil zavodu tikməyi planlaşdırır.

Məlumata görə, layihə ilə bağlı yekun qərar hələ verilməyib. Zavodun investisiya həcmi, istehsal gücü və tikinti müddəti kimi əsas detalları hazırda müzakirə olunur.

Bundan əvvəl alternativ məkan kimi Macarıstan da nəzərdən keçirilirdi. Son illərdə bu ölkə elektromobil və batareya istehsalı sahəsində Çin investisiyaları üçün cəlbedici istiqamətlərdən birinə çevrilib.

Ekspertlər hesab edir ki, layihənin həyata keçirilməsi Avropada elektromobil istehsalının genişlənməsinə və regionda rəqabətin artmasına səbəb ola bilər.