Şahzadə Harri Avstraliyada şəxsi həyatı barədə danışıb

Fins.az - Böyük Britaniya kral ailəsinin üzvü Şahzadə Harri Avstraliyaya səfəri zamanı şəxsi həyatı ilə bağlı açıqlamalar verib. O, həyat yoldaşı Meqan Marklla birlikdə dörd günlük səfərdə iştirak edir.

Kişi sağlamlığına həsr olunmuş tədbirdə çıxış edən Harri ata olmaq təcrübəsindən danışaraq, övladlarının doğulmasından əvvəl keçmiş travmalarla bağlı terapiya aldığını bildirib.

Onun sözlərinə görə, psixoloji dəstək ata roluna daha yaxşı uyğunlaşmasına və ailə həyatında balans yaratmasına kömək edib.

Səfər çərçivəsində cütlüyün bir sıra ictimai və xeyriyyə tədbirlərində iştirak etməsi planlaşdırılır.