Ötən il Qırğızıstanın təbiət qoruqlarını 270 mindən çox turist ziyarət edib
Fins.az - 2025-ci ildə Qırğızıstanın dövlət qoruqları və təbiət parklarını 271 min 254 nəfər ziyarət edib.
Məlumata görə, ekoturizm sektorundan əldə olunan gəlirlər əvvəlki illə müqayisədə artaraq 37,7 milyon soma çatıb. Bu da ekoloji marşrutlara marağın 24% artdığını göstərir.
Ziyarətçilərin əksəriyyətini yerli turistlər təşkil etsə də, MDB ölkələrindən və digər regionlardan gələn turistlərin sayı da artmaqdadır. Gəlirlərin yüksəlməsi tarif siyasətinin optimallaşdırılması və ödəniş sistemlərinin təkmilləşdirilməsi ilə əlaqələndirilir.
Bununla yanaşı, ətraf mühitin qorunmasına nəzarət gücləndirilib. İl ərzində 139 qanun pozuntusu aşkar edilib. Təbiətə vurulan ziyanın məbləği 1,1 milyon som təşkil edib və pozuntuların 70%-i flora ilə bağlı olub. Cərimələrin yığılması məhkəmə və inzibati prosedurlar vasitəsilə davam etdirilir.
