Nintendo gəlirini iki dəfə, xalis mənfəətini isə 1,5 dəfə artırıb

Fins.az - Nintendo 2026 maliyyə ili üzrə maliyyə göstəricilərində ciddi artım qeydə alıb.

Martın 31-də başa çatan maliyyə ilində şirkətin xalis mənfəəti 278,8 milyard yendən 424,1 milyard yenə yüksəlib.

Şirkətin əməliyyat mənfəəti 27,5% artaraq 360,1 milyard yen təşkil edib. Eyni zamanda, illik gəlir demək olar ki, iki dəfə artaraq 2,31 trilyon yenə çatıb. Ötən maliyyə ilində bu göstərici 1,16 trilyon yen idi.

Bununla yanaşı, şirkət cari maliyyə ili üçün daha zəif proqnoz açıqlayıb və Nintendo Switch 2 oyun konsolunun qiymətlərinin artırılacağını elan edib.

Analitiklər hesab edirlər ki, Nintendo-nun güclü nəticələri əsasən oyun satışları və yeni nəsil konsollara olan yüksək maraqla bağlıdır.