“Tesla” daha ucuz elektrik SUV modeli hazırlayır

Fins.az - “Tesla” şirkəti daha kompakt və əlverişli qiymətə malik yeni elektrikli SUV modelinin hazırlanması üzərində işləyir.

Məlumata görə, avtomobilin istehsalının Çində həyata keçirilməsi planlaşdırılır və onun uzunluğu təxminən 4,28 metr olacaq. Yeni modelin qiymətinin “Tesla Model 3”dən də aşağı olması gözlənilir – Çində təxminən 34 min dollardan, ABŞ-da isə 37 min dollardan başlayan qiymət aralığı nəzərdə tutulur.

Bildirilir ki, avtomobildə daha kiçik batareyadan istifadə ediləcək. Bu isə “Tesla Model Y” ilə müqayisədə daha qısa yürüş məsafəsi – təxminən 306–327 mil təmin edəcək. Eyni zamanda, modelin çəkisinin təxminən 1,5 tona qədər azaldılması planlaşdırılır.