Mirziyoyev: Özbəkistan ICESCO ilə əməkdaşlığı genişləndirəcək

Fins.az - Özbəkistan Prezidenti Şavkat Mirziyoyev Birinci Beynəlxalq İslam Sivilizasiyası Forumu çərçivəsində İslam Dünyası Təhsil, Elm və Mədəniyyət Təşkilatının (ICESCO) Baş direktoru Səlim əl-Maliki ilə görüşüb.

Görüşdə Özbəkistan ilə ICESCO arasında təhsil, elm, mədəniyyət və digər sahələrdə çoxtərəfli əməkdaşlığın genişləndirilməsi məsələləri müzakirə olunub.

Tərəflər beynəlxalq təşkilatla praktik əməkdaşlığın uğurla inkişaf etdiyini vurğulayaraq, bu istiqamətdə tərəfdaşlığın gələcəkdə daha da gücləndirilməsi niyyətini ifadə ediblər.