Mayami Qran-prisinin startı pis hava səbəbindən təxirə salınıb

Fins.az - Formula 1 Miami Grand Prix startı əlverişsiz hava şəraiti səbəbindən təxirə salınıb.

Məlumata görə, yarışın başlaması əvvəlcədən planlaşdırılandan daha gec – Bakı vaxtı ilə saat 21:00-a keçirilib.

Qərar FIA, Formula 1 rəhbərliyi və yarışın təşkilatçıları arasında aparılan müzakirələrdən sonra qəbul edilib.

Təşkilatçılar bildiriblər ki, qərar güclü yağış ehtimalı və yarış zamanı təhlükəsizliyin təmin edilməsi məqsədilə verilib. Bu, pilotların, komandaların və azarkeşlərin təhlükəsizliyini qorumaq üçün atılan addım kimi qiymətləndirilir.