Maka Boçorişvili: Gürcüstanın Avropaya inteqrasiya prosesi davam edir

Fins,az - Gürcüstanın xarici işlər naziri Maka Boçorişvili bildirib ki, ölkənin Avropaya inteqrasiya prosesinin dayandırılması ilə bağlı iddialar həqiqəti əks etdirmir. Onun sözlərinə görə, bu proses heç vaxt dayanmayıb.

Nazir parlamentdə çıxışı zamanı qeyd edib ki, Avropa İttifaqı Şurası müvafiq qərar qəbul etdikdən sonra Gürcüstan hökuməti Aİ ilə danışıqları davam etdirməyə hazırdır.

Boçorişvili vurğulayıb ki, ölkənin Avropa perspektivi, namizəd statusu və gələcək üzvlüyü ilə bağlı səsləndirilən bəzi bəyanatlar və təzyiqlər cəmiyyət üçün aydın məqsədlər daşıyır. Onun fikrincə, Gürcüstan Avropa inteqrasiyası yolunda irəliləməkdə davam edir.