Kim Çen In “Kan Gon” esminesinin sınaqlarını izləyib

Fins.az - KXDR lideri Kim Jong Un ölkənin Hərbi Dəniz Qüvvələrinə məxsus “Kan Gon” esminesinə baş çəkərək gəminin sınaq prosesini izləyib.

Məlumata görə, esmines döyüş və istismar imkanlarının qiymətləndirilməsi məqsədilə sınaqlardan keçirilir.

Kim Çen In gəminin idarəetmə mərkəzinin fəaliyyəti, növbətçi postların işi, həmçinin silah sistemləri və avadanlıqların sınaq planları ilə tanış olub.

Səfər zamanı onu hərbi rəhbərlik, müdafiə sənayesi və Koreya Əmək Partiyası Mərkəzi Komitəsinin nümayəndələri müşayiət ediblər.