Kayseridə güclü yağış və dolu həyatı iflic edib

Fins.az - Kayseri vilayətində yağan güclü yağış və dolu gündəlik həyata ciddi mənfi təsir göstərib.

Məlumata görə, şəhərin bir çox yol və yeraltı keçidlərində su yığılması qeydə alınıb, tarixi Böyük Bazardakı mağazaları isə su basıb.

Güclü leysan səbəbindən Kayserinin müxtəlif bölgələrində nəqliyyatın hərəkətində fasilələr yaranıb.

Rəsmi qurumlar əhaliyə ehtiyatlı olmaları və mümkün sel risklərinə qarşı diqqətli davranmaları barədə xəbərdarlıq ediblər.