Karlos Alkaras “Roland Garros-2026” turnirini buraxacaq

Fins.az - Dünya reytinqində ikinci pillədə qərarlaşan ispan tennisçi Carlos Alcaraz zədə səbəbindən Roland Garros-2026 turnirində iştirak etməyəcək.

İdmançı bildirib ki, o, aprelin əvvəlində Barselonada keçirilən turnirdə sağ biləyindən zədə alıb. Bu səbəbdən o, Madrid yarışından da geri çəkilmişdi. Aprelin 24-də aparılan müayinələrdən sonra Alkarasın həm Roma turnirini, həm də “Roland Garros”u buraxmasına qərar verilib.

Qeyd edək ki, Alkaras “Roland Garros”un son qalibi və ikiqat çempionudur. O, həmçinin Wimbledon Championships və US Open turnirlərini də iki dəfə qazanıb. Bu ilin əvvəlində isə Australian Open-də qalib gələrək karyerasında “Böyük Dəbilqə”ni tamamlayıb.