JPMorgan baş direktoru maaşı və bonusları açıqlanıb

Finss.az xəbər verir ki, JPMorgan Chase & Co. (SPB: JPM) şirkətinin baş direktoru Ceymi Dimon 2025-ci ildə 43 milyon dollar qazanc əldə edib. Bu, Dimonun JPMorgan baş direktoru vəzifəsində 2006-cı ildən bəri aldığı ən yüksək kompensasiyadır.

Keçən ilin ümumi qazancına 1,5 milyon dollarlıq baza maaşı və 5 milyon dollarlıq nağd bonus daxildir, qalan hissəsi isə səhmlərdə ödənilib. 2024-cü ildə Dimon eyni baza maaşı ilə 39 milyon dollar qazanmışdı.

Bankın maliyyə göstəricilərinə görə, JPMorgan-ın 2025-ci ildə xalis mənfəəti 2% azalaraq 57 milyard dollara düşüb, lakin bankın səhmlərinin qiyməti təxminən 34% artıb.

Analitiklər bildirirlər ki, Dimonun yüksək kompensasiyası bankın maliyyə sabitliyi və səhmdar mənfəətinə uyğun olaraq təyin olunub, eyni zamanda ABŞ bank sektorunda rəhbər qazancının yüksək səviyyəsini nümayiş etdirir.