İsti hava İsveçrə buzlaqlarında qar örtüyünün vaxtından əvvəl əriməsinə səbəb olub

Fins.az - Avropada müşahidə olunan yüksək temperatur İsveçrə buzlaqlarındakı qoruyucu qar örtüyünün adi vaxtdan bir neçə həftə əvvəl əriməsinə səbəb olub.

Mütəxəssislərin fikrincə, bu vəziyyət Alp dağlarında buzlaqların daha intensiv əriməsinə gətirib çıxaracaq.

Tədqiqatçıların məlumatına görə, iyunun 29-da İsveçrənin cənubunda yerləşən Ron buzlağında “Buzlaq əriməsi günü” qeydə alınıb. Bu tarix qış ərzində toplanmış qarın tam əridiyi və buzlaqların birbaşa buz itirməyə başladığı mərhələni ifadə edir.