İspaniyada istilər rekord həddə çatıb: temperatur 44°C-yə yüksəlir

Fins.az - İspaniyada davam edən güclü isti hava dalğası ölkənin böyük hissəsində təhlükəli temperatur artımına səbəb olub.

İspaniyanın meteoroloji xidməti AEMET xəbərdarlıq edərək bildirib ki, çərşənbə axşamı temperatur 40°C-dən yuxarı qalxacaq və iyun ayı üçün rekord göstəricilər qeydə alınacaq.

Məlumata görə, bəzi bölgələrdə – xüsusilə Əndəlus, Barselona və Kantabriyada – temperatur 44°C-yə qədər yüksələ bilər.

Meteoroloqlar bu vəziyyəti ciddi isti hava dalğası kimi qiymətləndirir və əhalini günün ən isti saatlarında açıq havada olmamağa çağırırlar.