İlin sonunda hər yeddinci rusiyalı yoxsulluq səviyyəsində olacaq - PROQNOZ

Rusiya hökumətinin 2024-cü ilə qədər yoxsulluq səviyyəsini yarıya endirmək planı iflasa uğrayıb.

Fins.az finanz.ru-ya istinadən xəbər verir ki, ölkədəki yoxsullar ordusu 2016-cı ildən bəri ilk dəfə yenidən böyüməyə başlayıb və dekabrın sonuna qədər əhalinin 13,3% -i və ya demək olar ki, hər yeddinci adam yaşayış minimumundan aşağı səviyyədə olacaq.

Hökumət yaxın 10 il üçün milli inkişaf hədəflərinə çatmaq üçün plan layihəsinə belə bir qiymətləndirmə qoyur.

2018-ci ildə təsdiqlənmiş milli layihələr planında bu il yoxsulluq səviyyəsinin 11,1% -ə endirilməsi və 2024-cü ilə qədər ölkənin yaxın tarixində minimum olan 6,6% -ə çatdırılması tələb olunurdu.

Amma əslində yoxsullar 1 faiz və ya demək olar ki, 1,46 milyon nəfər artacaq. Ümumilikdə, ilin sonunda 19,6 milyon rusiyalı minimumdan aşağı gəlir əldə edəcəklər.

Tuncay Türbəndəzadə