“Gürcüstan Dəmir Yolları”nın keçmiş rəhbəri mütəşəkkil dəstə yaratmaqda ittiham olunur

Fins.az - Gürcüstanın Dövlət Təhlükəsizlik Xidmətinin Korrupsiyaya Qarşı Mübarizə Agentliyi tərəfindən “Gürcüstan Dəmir Yolları” ASC-də əməliyyat-axtarış və istintaq tədbirləri həyata keçirilib.

Araşdırma nəticəsində məlum olub ki, 2019-cu ilin payızında Gürcüstan Dəmir Yollarının ovaxtkı baş direktoru David Peradze dövlətə məxsus külli miqdarda əmlakı dələduzluq yolu ilə ələ keçirmək məqsədilə strukturlaşdırılmış və mütəşəkkil dəstə yaradıb.

Hazırda istintaq tədbirləri davam etdirilir və iş üzrə digər şəxslərin də müəyyənləşdirildiyi bildirilir.