Fransanın cənubunda meşə yanğınları davam edir

Fins.az - Fransanın cənub bölgələrində meşə yanğınları davam edir. Yanğınların söndürülməsi üçün ölkə üzrə 30-dan çox ocaqda 2000 yanğınsöndürən fəaliyyət göstərir.

Təhlükəsizlik məqsədilə minlərlə sakin yaşadıqları ərazilərdən təxliyə olunub.

Ən mürəkkəb vəziyyət Pireney-Oriental departamentində müşahidə edilir. Sainte-Marie-la-Mer qəsəbəsində başlayan yanğın Canet-en-Roussillon istiqamətində yayılıb.

Prefekturanın məlumatına görə, dünən axşam saatlarında 3000 nəfər təxliyə edilib. Hazırda yanğın nəzarət altına alınsa da, ərazidə monitorinq və təhlükəsizlik tədbirləri davam etdirilir.