Çin Tayvan yaxınlığında xüsusi dəniz əməliyyatına başladığını elan edib

Fins.az - Çin Tayvanın şərqində yerləşən sularda xüsusi dəniz əməliyyatına başladığını açıqlayıb.

Məlumata görə, qərar Yaponiya və Filippin arasında həmin bölgədə dəniz sərhədləri ilə bağlı məsləhətləşmələrin başlanmasına cavab olaraq qəbul edilib.

Rəsmi Pekin əməliyyatın məqsədi və miqyası barədə ətraflı məlumat verməyib.

Hadisə regionda geosiyasi gərginliyin davam etdiyi bir vaxtda baş verib. Çin Tayvanı öz ərazisinin bir hissəsi hesab edir və adanın ətrafındakı sularda hərbi və dəniz fəaliyyətlərini mütəmadi şəkildə artırır.

Müşahidəçilər hesab edirlər ki, bu addım Şərqi Asiyada təhlükəsizlik və dəniz sərhədləri məsələləri ətrafında müzakirələri daha da aktuallaşdıra bilər.