Bu şəxslər mayda vaksin pasportları alacaq

Koronavirusa qarşı peyvəndlənmiş Avropa İttifaqı (Aİ) sakinləri bu ilin mayında vaksin pasportları ala bilər.

Bunu Çexiyanın xarici işlər naziri Tomaş Petrjiçek deyib.

O bildirib ki, Avropa Komissiyasında həmin pasportların layihəsi martın 17-dək hazır olacaq.

Vaksin pasportlarında peyvəndin müddəti, növü, eləcə koronavirus testi barədə məlumatlar yer alacaq. Sənədin məlumatları rəqəmsal formatda olacaq və smartfon kimi qurğularda saxlamaq mümkün olacaq.