Braziliya Aİ-nin ət məhsullarına məhdudiyyətlərinə cavab tədbirləri nəzərdən keçirir

Fins.az - Braziliya hökuməti Avropa İttifaqının ölkədən ət məhsullarının tədarükünə tətbiq etdiyi məhdudiyyətlər fonunda mümkün cavab tədbirlərini araşdırır.

Bu barədə Braziliyanın Kənd Təsərrüfatı Nazirliyinin ticarət və beynəlxalq əlaqələr üzrə katibi Luis Rua məlumat verib.

Onun sözlərinə görə, əgər Braziliya tərəfi özünə tərəfdaş kimi deyil, fərqli münasibət göstərildiyi qənaətinə gəlsə, Avropa İttifaqına qarşı atıla biləcək addımlarla bağlı artıq müəyyən variantlar mövcuddur.

Rəsmi dairələr məsələ ilə bağlı vəziyyəti qiymətləndirməyə davam edir və mümkün cavab tədbirlərinin iqtisadi təsirlərini nəzərdən keçirirlər.