Böyük Britaniya: Kredit verənlərdən ödəmə qabiliyyəti yoxlanışı tələb olunacaq

Finss.az - Böyük Britaniyanın Maliyyə Nəzarət və Tənzimləmə İdarəsi (FCA) “İndi al, sonra ödə” (BNPL) xidmətlərindən istifadə edən borcalanlar üçün yeni qoruyucu tədbirlər açıqlayıb.

Yeni qaydalara əsasən, borcalanlar problemlər yaranarsa maliyyə ombudsmanına şikayət edə biləcəklər. Kreditorlar isə kredit verməzdən əvvəl müştərinin ödəmə qabiliyyətini yoxlamalı və maliyyə çətinliyi yaşayanlara dəstək göstərməlidirlər.

Bu addımlar BNPL sektorunda istehlakçı hüquqlarının gücləndirilməsinə yönəlib.