Böyük Britaniya ərzaq və yanacaq qıtlığı riskinə qarşı tədbirləri gücləndirir

Fins.az - Böyük Britaniya hökuməti İranla bağlı gərginliyin yaratdığı mümkün ərzaq və yanacaq qıtlığı risklərinə qarşı hazırlıq tədbirlərini gücləndirib.

Məlumata görə, Baş nazir Kir Starmer aprelin 28-də ehtimal olunan çatışmazlıqlarla bağlı yaradılmış komitənin növbəti iclasına sədrlik edəcək. Eyni zamanda, nazirlərdən ibarət xüsusi qrup təchizat zəncirində yarana biləcək problemləri izləmək üçün həftədə iki dəfə toplanır.

Hörmüz boğazında yaranan gərginlik və mümkün məhdudiyyətlər neft qiymətlərinin artmasına səbəb olub. Rəsmilər bildirirlər ki, vəziyyətin davam edəcəyi halda yay aylarında bəzi ərzaq məhsullarında, o cümlədən ət məhsullarında qıtlıq riski yarana bilər.