Böyük Britaniya dövlət borcunun artım sürətinə görə dünyada ikinci yerdədir

Fins.az - Böyük Britaniyanın dövlət borcu son 25 ildə dünyanın əksər ölkələri ilə müqayisədə daha sürətlə artıb.

Məlumata görə, bu göstərici üzrə yalnız Botsvana Böyük Britaniyanı qabaqlayır.

Beynəlxalq Valyuta Fondunun hesablamalarına əsasən, Böyük Britaniyada xalis dövlət borcunun ümumi daxili məhsula nisbəti 2001-ci ildəki 30,4 faizdən hazırda 95,5 faizə yüksəlib.

Bu, 65 faiz bəndi artım deməkdir.

Müqayisə üçün, Botsvanada eyni göstərici 2001-ci ildən bəri 167 faiz bəndi artaraq dünyada ən yüksək dəyişikliklərdən birini nümayiş etdirib.