Berlində 1300-dən çox ev elektrik enerjisiz qalıb

Fins.az - Almaniyanın paytaxtı Berlində elektrik kəsintiləri nəticəsində 1300-dən çox ev işıqsız qalıb.

Məlumata görə, aprelin 18-də günorta və axşam saatlarında baş verən nasazlıq nəticəsində ümumilikdə 1314 ev təsərrüfatı elektrik enerjisindən məhrum olub.

Kəsintinin dəqiq səbəbi hələlik müəyyən edilməyib və araşdırmalar davam edir.

Qeyd edək ki, yanvar ayında da Berlində baş vermiş yanğın nəticəsində on minlərlə ev və müəssisə elektrik enerjisiz qalmışdı.