BƏƏ-də rus turistlərin iyunda geri qayıdacağı gözlənilir

Fins.az - Birləşmiş Ərəb Əmirliklərinin Ras əl-Xeymə əmirliyində rus turistlərin məhdudiyyətlərin aradan qaldırılmasından sonra ilk geri qayıdan xarici ziyarətçilər olacağı gözlənilir.

Əmirliyin turizmin inkişafı departamentinin vitse-prezidenti İyad Rasbey bildirib ki, məhdudiyyətlərin iyun ayında ləğv olunacağı ehtimal edilir və bu, turizm axınının bərpasına təkan verəcək.

Onun sözlərinə görə, BƏƏ-nin milli aviadaşıyıcıları, o cümlədən Rusiyadan olan reyslər demək olar ki, tam bərpa olunub. Mayın 1-dən etibarən uçuşların sayının daha da artacağı gözlənilir. “Aeroflot” isə iyunun 1-dən reyslərin bərpasını planlaşdırır.

Qeyd olunub ki, 2025-ci ildə Ras əl-Xeyməni 1,35 milyon xarici turist ziyarət edib. Onlardan 220 min nəfəri Rusiya vətəndaşı olub və bu ölkə əmirlik üçün əsas xarici turizm bazarı hesab olunur.