Azərbaycanlı sərbəst güləşçilər Avropa çempionatında finala yüksəlib

Fins.az - Azərbaycan sərbəst güləşçiləri Bolqarıstanın Samokov şəhərində keçirilən U-17 Avropa çempionatında finala yüksəlib.

UWW European U17 Wrestling Championships çərçivəsində 48 kq çəki dərəcəsində çıxış edən Hüseyn Rzazadə ardıcıl qələbələr qazanaraq finala vəsiqə əldə edib.

O, gürcüstanlı Laşa Koridze, türkiyəli Yigit Egemen və rusiyalı Asilder Asluev üzərində inamlı qələbələr qazanıb.

Finalda Azərbaycanlı idmançı Ukraynanı təmsil edən Volodymyr Boyko ilə qarşılaşacaq.

Turnirdə digər çəkilərdə də finalçılar müəyyənləşir və Azərbaycan komandasının medal şansları yüksək qiymətləndirilir.