Azərbaycanda non-life sığorta ödənişləri 17,3 faiz artıb

Fins.az - Azərbaycanda cari ilin yanvar-aprel aylarında bütün non-life sığorta növləri üzrə 238,682 milyon manat sığorta haqqı toplanıb.

Məlumata görə, bu göstərici ötən ilin eyni dövrü ilə müqayisədə 4,7 faiz azdır.

Hesabat dövründə ümumi sığorta növləri üzrə ödənişlər isə 17,3 faiz artaraq 97,332 milyon manata çatıb.

Beləliklə, 4 ay ərzində ümumi sığorta bazarında toplanan hər 100 manat sığorta haqqının 40,8 manatı müştərilərə geri qaytarılıb. Bir il əvvəl bu göstərici 33,1 manat təşkil etmişdi.