Avtomobil brendlərinin dəyəri ikinci ildir azalır

Fins.az - Brand Finance araşdırmasına görə, dünya üzrə aparıcı avtomobil istehsalçılarının brend dəyəri artıq ikinci ildir ardıcıl olaraq azalır. 2026-cı ildə bu göstərici 7% azalaraq 575,4 milyard dollara düşüb.

Reytinqdə liderliyini Toyota qoruyub. Şirkətin brend dəyəri 3% azalaraq 62,7 milyard dollar təşkil etsə də, o, yenə də birinci yerdə qərarlaşıb.

İkinci pillədə Mercedes-Benz yer alır. Onun brend dəyəri 12% azalaraq 46,6 milyard dollara enib.

Bununla yanaşı, BMW 3% artımla üçüncü pilləyə yüksəlib (43,8 milyard dollar), Volkswagen isə 14% artımla dördüncü yerə qalxıb (35,8 milyard dollar).

Ekspertlər qeyd edirlər ki, ümumi azalma avtomobil sənayesində dəyişən bazar şəraiti və elektrik nəqliyyatına keçid dövrü ilə əlaqədardır.