Amerika Hava Yolları 2,1 milyard dollar xalis zərər etdiyini açıqlayıb
Amerika Hava Yolları və ABŞ-ın iki böyük hava yol şirkəti olan Southwest Hava Yolları, bu ilin ikinci rübündə yeni növ koronavirusun yayılması hava səyahətinə olan tələbi təsir etdiyindən zərər görüb.
American Airlines və Southwest Airlines bu ilin ikinci rübü üçün balans hesabatlarını açıqlayıblar.
Amerika Hava Yollarından verilən açıqlamaya görə, şirkət bu ilin ikinci rübündə 2,1 milyard dollar itirib. Şirkət ötən ilin eyni dövründə 662 milyon dollar xalis mənfəət əldə etmişdi.
Sözügedən aviaşirkətin bu ilin ikinci rübündə qazancı əvvəlki ilin eyni dövrü ilə müqayisədə 86,5 faiz azalaraq 1,6 milyard dollara enib. Ötən ilin eyni dövrü üçün şirkətin gəliri 11,9 milyard dollar olaraq qeyd edilib.
"Bu, şirkətin tarixindəki ən çətin rüblərdən biri idi. Kovid-19 və iqtisadi fəaliyyətin dayandırılması qlobal hava səyahətinə tələbdə ciddi pozuntulara səbəb oldu" deyib Amerika Hava Yolları baş meneceri Doug Parker.
- Kovid-19 peyvəndi tapılana qədər gözlənilən tələbin azalması
Southwest Hava Yollarının verdiyi açıqlamaya görə, şirkət aprel-iyun aylarında 915 milyon dollar xalis itki verdiyini bildirib.Southwest Airlines, keçən ilin eyni dövründə 741 milyon dollar xalis mənfəət əldə edib.
Bu ilin ikinci rübündə şirkətin gəliri keçən ilin eyni dövrü ilə müqayisədə təxminən 83 faiz azalaraq 1 milyard dollara çatdı. Ötən ilin eyni dövrü üçün şirkətin gəliri 5,9 milyard dollar olub.
Southwest Airlines baş meneceri Gary Kelly, Kovid-19 -a qarşı davam edən mübarizə səbəbiylə hava səyahətinə tələbatın zəif olduğunu bildirib.
Mart və Aprel ayları ilə müqayisədə May və İyun aylarında sərnişin axınının yaxşılaşdığını dilə gətirən Kelli, ancaq Kovid-19-un artması ilə iyul ayında bu sahədə yaxşılaşma meylinin dayandığını bildirib. Kelly, Kovid-19 peyvəndi tapılana qədər hava səyahətinə tələbatın aşağı qalacağını gözlədiklərini qeyd edib.
ABŞ aviaşirkətlərindən biri olan United Airlines 21 iyul tarixində açıqladığı balans hesabatında bu ilin ikinci rübündə 1,6 milyard dollar itkisini açıqlayıb.
Birləşmiş Hava Yollarının 94 illik tarixinin ən ağır bir rübünü yaşadığı, şirkətin gəliri isə bu ilin ikinci rübündə 87,1 faiz azalaraq 1.4 milyard dollara çatdığı ifadə edilib.
Müəllif:Aynur Qəniyeva
