Alimlər meşə yanğınlarının bu il kəskin artacağı barədə xəbərdarlıq edib

Fins.az - Alimlər 2026-cı ildə dünyada meşə yanğınlarının ciddi şəkildə artacağı ilə bağlı xəbərdarlıq ediblər.

World Weather Attribution tərəfindən yayılan məlumatda bildirilir ki, ilin ilk dörd ayında qlobal miqyasda 150 milyon hektardan çox ərazi yanıb. Bu göstərici əvvəlki rekorddan təxminən 20 faiz yüksəkdir.

Mütəxəssislərin fikrincə, vəziyyətin pisləşməsinə əsas səbəblərdən biri El Niño iqlim hadisəsidir. Bu fenomenin təsiri ilə qlobal yanğın mövsümünün daha erkən başlaması və daha dağıdıcı nəticələrə səbəb olması gözlənilir.

Alimlər xüsusilə quru və isti hava şəraitinin artmasının meşə ekosistemləri üçün ciddi risk yaratdığını vurğulayırlar.