Aİ okeanların qorunması üçün 338 milyon avrodan çox vəsait ayırıb

Fins.az - Avropa İttifaqı Keniyanın Mombasa şəhərində keçirilən “Okeanlarımız Konfransı 2026” çərçivəsində okeanların qorunması, dayanıqlı balıqçılıq və dəniz təhlükəsizliyinin gücləndirilməsi üçün 338,35 milyon avro məbləğində yeni maliyyə öhdəliyi götürüb.

Maliyyə vəsaiti qlobal səviyyədə okeanların mühafizəsi və onların dayanıqlı idarə olunmasına yönəldiləcək.

Aİ-nin balıqçılıq və okeanlar üzrə komissarı Kostas Kadis bildirib ki, məqsəd təhlükəsiz, təmiz və sağlam dəniz ekosistemlərinin qorunmasını təmin etməkdir.