ABŞ-də inflyasiya son iki ilin ən yüksək səviyyəsinə qalxıb

Fins.az - Amerika Birləşmiş Ştatlarında illik inflyasiya aprel ayında 3,8 faizə yüksələrək 2023-cü ilin may ayından bəri ən yüksək göstəriciyə çatıb.

Bu rəqəm bazar gözləntilərini də üstələyib — analitiklər 3,7 faiz artım proqnozlaşdırırdı, mart ayında isə inflyasiya 3,3 faiz səviyyəsində idi.

United States Bureau of Labor Statistics məlumatına görə, enerji qiymətləri illik müqayisədə 17,9 faiz artaraq ümumi inflyasiya artımında əsas rol oynayıb.

Eyni dövrdə ərzaq qiymətləri 3,2 faiz, mənzil xərcləri isə 3,3 faiz yüksəlib. Aylıq olaraq istehlak qiymətləri 0,6 faiz artım göstərib.

Mütəxəssislər enerji bazarındakı dalğalanmaların və qlobal geosiyasi gərginliyin inflyasiya təzyiqini artırdığını bildirirlər.