680 at gücünə malik yeni Mercedes-AMG CLA 45 təqdim olunub

Fins.az - Mercedes-Benz yeni Mercedes-AMG CLA 45 4Matic+ modelini təqdim edib. Gücləndirilmiş sedan və Shooting Brake universalı Böyük Britaniyada keçirilən Qudvud Sürət Festivalında debüt edib.

Yeni model üç elektrik mühərrikindən ibarət 680 at gücünə malik güc qurğusu ilə təchiz olunub. Avtomobil 0-100 km/saat sürətlənməsini cəmi 2,7 saniyəyə tamamlayır.

Mercedes-AMG CLA 45 üçün əsas kimi MMA (Mercedes-Benz Modular Architecture) platforması seçilib. Bu platforma kompakt premium sinif avtomobilləri üçün hazırlanıb və ilk dəfə üçüncü nəsil CLA ailəsində istifadə olunub.