“Araz-Naxçıvan” – “Aris” oyununa biletlər satışda

Finss.az - UEFA Konfrans Liqasının II təsnifat mərhələsində iyulun 24-də keçiriləcək “Araz-Naxçıvan” – “Aris” (Yunanıstan) oyununun biletləri satışa çıxarılıb.

Görüş saat 20:00-da “Dalğa Arena”da baş tutacaq. Biletlərin qiyməti sektorlar üzrə 1 və 2 manat təşkil edir.

Azarkeşlər biletləri hər gün saat 10:00-dan 21:00-dək Liv Bona Dea Arena və Tofiq Bəhramov adına Respublika stadionunun kassalarından əldə edə bilərlər.

Yarışa marağın yüksək olduğu gözlənilir və komandalar uğurlu nəticə üçün səfərbər olacaqlar.