Kəlbəcər Dağ Turizm Mərkəzi: baş planın 2-ci fazası icra olunacaq

Kəlbəcər Dağ Turizm Mərkəzinin yaradılması layihəsi üzrə növbəti mərhələdə işlərə start verilir. Fins.az xəbər verir ki, Dövlət Turizm Agentliyi layihə çərçivəsində baş planın hazırlanması üzrə 2-ci faza işlərinin icrasına başlayıb.

Məlumata görə, Kəlbəcər Dağ Turizm Mərkəzinin baş planının hazırlanması üçün nəzərdə tutulan 2-ci mərhələdə müvafiq işlərin həyata keçirilməsi planlaşdırılır və bu istiqamətdə artıq hazırlıq işləri yekunlaşdırılıb.

Layihənin icrası çərçivəsində Dövlət Turizm Agentliyi “Neugest 1957 SLU” şirkəti ilə 247,5 min manat dəyərində müqavilə imzalayıb.

Bundan əvvəl isə eyni şirkətlə baş planın hazırlanması üzrə 1-ci faza xidmətlərinin göstərilməsi üçün 396.280 manat dəyərində müqavilə bağlanmışdı.

Beləliklə, Kəlbəcər Dağ Turizm Mərkəzinin yaradılması üzrə mərhələli şəkildə icra olunan layihə çərçivəsində həm ilkin, həm də növbəti faza işləri üzrə ümumi proses davam etdirilir.